Homber deteni cu droga dilanti hotel

Diadomingo, pa mas of menos 2’or y 20 di marduga, patruya a tene control den e zona hotelero riba JE Irausquin Boulevard.

Yegando cerca di Gianni’s Restaurant, a mira un homber desconoci, sinta riba e muraya di e fontein. Polis a mira cu e homber desconoci tabata papia cu varios turista, cu tabata cana eybanda. Tabata mustra cu e homber aki tabata purba di bende e turistanan algo. Mas tempran durante patruya, polis a mira e homber desconoci aki sinta na e mesun luga. E luga aki ta conoci pa polis, unda cu nan ta bende droga cu turista.

A base di e comportacion di e persona aki, a lanta e sospechoso cu e persona tabata tin droga den su poder y tabata purba di bende esakinan. Durante listramento na su paña, den su carson di saco drechi, a bin haya un saco chikito transparente cu marihuana den dje. Den e schoudertas cu e sospechoso tabata tin bisti, a bin haya cierto cantidad di sakitonan transparente, cada uno conteniendo marihuana. Nan a haya tambe un saco transparente chikito cu mas saco den dje cu substancia parecido na cocaina. E homber a wordo deteni y hiba warda.

 

Leave a Reply

Top