Homber no tabata duna señal di bida na Brasil

Diasabra pa 8.25 di mainta, Central ta bay na un adres na Brasil, caminda cu e conocido adicto na alcohol yama John Conzalves no tabata duna señal di bida.

Na yegada di personal di ambulance na e sitio, nan a declara cu JF Conzalves no tabata duna señal di bida. Polis a constata cu Conzalves tabata sinta riba un stoel pafo di su cas y no tabata move.

Den cuadro di esaki, a tuma contacto cu e comandante na warda y a pone na altura di loke nan a constata.

Despues di esey a tuma contacto cu recherche, kendenan tambe a bin na e sitio. Dr. Texier a presenta y a constata pa 10’or di mainta morto di e homber JF Conzalves, Aruba, naci dia 18 di December, 1960. No tabata tin ningun delito cometi. Riba e mesun dia, pa mas of menos 10’or y 40 di mainta, recherche a presenta na e sitio y a hiba e curpa. Slachtofferhulp tambe a presenta y a presta e ayudo necesario na e famianan di e fayecido. Central a wordo poni na altura.

Top