Hulanda asota pa un clima friu cu a causa cancelacion di mas cu 200 buelo

Apenas e aña tin algun dia bieu cu e prome tormenta a bira realidad pa madre patria Hulanda. E tormenta pisa a pasa diaranson riba Hulanda, a percura pa paralisacion di treinnan, buelonan cancela y cantidad grandi di daño na propiedadnan. Den oranan di atardi a pasa y solamente na e costa e por a wordo sinti ainda.

E tormenta a percura pa problema cu awa riba careteranan grandi di Rotterdam y Groningen, matanan grandi a cay riba caminda, e dijk entre Lelystad y Enkhuizen, den ambos direccion, a cera completamente door di e mal tempo.

Vuelonan a conoce retraso of a wordo anula. Companianan di aviacion diaranson a cancela mas cu 252 di e 1200 vuelonan planea. Tabata trata principalmente dik vuelonan pa y for di destinacionnan Europeo.

E tormenta a causa problema pa treinnan. No tabatin trein di intercity moviendo entre Dordrecht y Breda. Riba e linea di velocidad halto entre Rotterdam Centraal y Breda no a funciona.

Na costa e awa tabata hopi halto y varios area a wordo cera y na algun caminda mester a pidi ayudo di boluntarionan pa yuda pone saconan di santo.

Na ciudadnan manera Rotterdam y Utrecht tabatin daño causa na cas y scolnan, unda hasta muraya a cay.

E cuerpo di Bombero Hulandes te cu ayera (diaranson) sali mas cu mil biaha pa meldingnan di daño causa pa e tormenta of molester di awa. Mayoria tabata di Rotterdam, Amsterdam, Zwolle, Apeldoorn y Eindhoven.

Na Urk e boto di museo di Arca di Noah a los unda e tabata mara. Na e momentonan ey tabatin bishitantenan abordo.

 

Caption

Fotonan publica door di Telegraaf ayera mustrando e situacion na Hulanda.

Leave a Reply

Top