Jerusalem, ciudad polarisa pa argumentonan historico, religioso y cultural

Na 1947, e resolucion di e Asamblea General di Nacionnan Uni, cu a premira e creacion di e estadonan di Israel y Palestina, a idea e ciudad milenario y disputa, como un zona desmilitarisa, bou un regimen internacional.

Un entidad separa, bou e responsabilidad di e Conseho di Administracion Fiduciario di ONU, cu mester a prepara un statuto na dies aña pa Jerusalem.

 

Pero Israel a ocupa e sector occidental di e ciudad. Na 1950, a proclam’e como su capital.

For di e tempo ey e ta considera p’e israelinan como e “capital reunifica di e Estado di Israel”, un status cu e comunidad internacional no ta reconoce.

 

Na Jerusalem Occidental, e israelinan a ricibi cu gratificacion e translado di e Embahada di Merca, como cu pa nan e ciudad tabata nan capital pa tres mil aña.

“Mi ta kere cu esaki ta algo cu mester a pasa hopi aña atras. Esaki ta nos pais, y mundo lo mester reconoce cu Jerusalem ta Israel y Israel ta Jerusalem. Ta bon cu tin un Presidente manera e”, tabata palabranan di Shai Cohen, residente israeli di Jerusalem.

 

E palestinonan cu ta biba den e parti oriental di e ciudad ta rechasa e anuncio di el Presidente Mericano.

“Con e por trese e Embahada for di Tel Aviv te aki? E capital di Israel ta Tel Aviv. Nan kier un otro capital aki? E no por funciona. Jerusalem ta e capital di Palestina, esey ta algo cu nos sa”, a afirma Mohammed Nabarak, residente palestino di Jerusalem.

 

Asina mes, Union Europeo ta wak poisibel cu Jerusalem ta e capital di e dos estadonan na mes momento, esun di Israel y un futuro y eventual Estado Palestino, segun declaracion hasi pa un representante di e diplomacia Europeo, Federica Mogherini.

Segun Mogherini, e asunto mester keda estableci mediante negociacionnan cu por cumpli cu e aspiracionnan di ambos parti. Diferencianan cu, pa algun, awendia ta parse di ta ireconciliabel den un ciudad polarisa pa argumentonan historico, religioso, cultural.

 

Leave a Reply

Top