Kiwanis Club of Aruba ta presenta e edicion 2017 di su proyecto Kamishibai yama ‘Kico Kiwi Kier Awor?’

 

Kiwanis Club of Aruba ta anuncia e di 4 edicion di e proyecto pa nos muchanan Kamishibai cu e aña aki 2017 yama ‘Kico Kiwi Kier Awor?’.

E obhetivo di e storia aki ta pa un uso mas social di celular den ambiente familiar incluyendo ora di core auto. E tema aki a wordo scogi inspira riba otro proyecto di Kiwanis yama ‘Dont text and drive’ pa preveni uso di celular, mientras bo ta core auto.

 

KICO TA KAMISHIBAI?

Kamishibai ta un arte di contamento di storia na un grupo di mucha cu a origina na Japon. Ora un maestro den klas kier conta un storia for di un buki di mucha (prentenboek), constantemente e tin dificultad cu e no por mustra e muchanan e pintura, mientras cu e ta lesa e texto.

Ora e maestro mustra e muchanan e pintura e no por lesa e texto, y ora e lesa e texto e no por mustra e muchanan e pintura.

 

Kamishibai ta split e pintura y e texto facilitando e contamento di storia n’e muchanan. Riba un sheet di size A3 e pintura di e storia ta wordo inprimi pa dilanti, mientras cu e texto corespondiente ta wordo inprimi patras di e sheet.

Adicionalmente ta haci uso di un cashi di palo –un teatro- unda cu ta hinca e sheetsnan aden pa facilita y tambe crea mas drama den e contamento di e storia.

E resultado ta cu e grupo di mucha sinta por wak e pintura dilanti hopi duidelijk mientras cu e maestro tranquilamente por lesa e texto inprimi patras di e sheets.

 

DICON E PROYECTO KAMISHIBAI?

Contamento di storia ta stimula e desaroyo di un mucha, vooral muchanan chiquito. Kamishibai ta un arte pa conta storia conoci den e mundo di enseñansa na Aruba y ta wordo considera efectivo dor di e maestronan vooral dor cu e muchanan ta focus hopi bon riba e pintura.

Instituto Pedagogico Arubano IPA ta duna les n’e studiantenan pa maestro di skol di con pa traha Kamishibai como un vak separa.

 

E problema ta cu p’e maestro no ta facil p’e mes traha e teatro ni tampoco p’e traha e sheetsnan. Tambe tin gastonan cuantioso envolvi. Cu otro palabra, den practiva tin un dificuldad di logistica.

Kiwanis Club of Aruba kier facilita especialmente den e parti esaki dor di haci un donacion di teatro di palo y storianan na skolnan aki na Aruba. Cu e proyecto aki di contamento di storia yama ‘Kamishibai’, Kiwanis Club of Aruba kier haci un contribucion n’e desaroyo di muchanan aki na Aruba.

 

Kico e edicion 2017 di Kamishibai di Kiwanis club of Aruba ta encera? E aña aki e club ta haci un donacion di e di 4 storia pa mucha yama: ‘Kico Kiwi Kier Awor?’ scirbi dor di Liliana Braamskamp-Erasmus na tur e skolnan preparatorio y básico di Aruba.

E storia aki ta full nobo scirbi specialmente p’e proyecto aki y tin como obhetivo. E obhectivo di e storia aki ta pa un uso mas social di celular den ambiente familiar incluyendo ora di core auto. E tema aki a wordo escogi inspira riba otro projecto di Kiwanis yama ‘Dont text and drive’ pa preveni uso di celular, mientras bo ta core auto.

Cu e di 4 storia aki Kiwanis club of Aruba ta sigi cu su compromiso pa haci un donación cada aña di un storia nobo na tur skol aki na Aruba.

 

Kende a contribui pa realisa e proyecto aki? Un danki di curason ta bay n’e siguiente personanan cu a contribui n’e realisacion di e bunita proyecto aki: Escritora señora Liliana Erasmus, autora di e storia nobo ‘Kico Kiwi kier awor?’ y miembronan di Kiwanis Club of Aruba pa a yuda organisa e proyecto aki.

 

Leave a Reply

Top