Kumbre hudisial entre 4 pais di reino den kuadro di mas koperashon

WILLEMSTAD – E konsulta hudisial entre ministernan di Hustisia di e kuater paisnan: Kòrsou, Sint Maarten, Aruba i Hulanda (representando a la bes e islanan BES), e   biaha aki a tuma lugá na Kòrsou na Santa Barbara Beach Resort.

E ministernan partisipante tabata:

Ferdinand Grapperhaus (Hulanda),

Andine Bikker (Aruba),

Cornelius de Weever (Sint Maarten) i

Quincy Girigorie (Kòrsou) kompañá pa nan respektivo delegashonnan a bini huntu pa elaborá riba vários tema di importansia pa e tereno hudisial. Alrededor di 50 trahadó di hustisia di e paisnan di Reino a partisipá.

E temanan tratá durante di kumbmrea enfoká riba kon e kadena hudisial di e paisnan di Reino por ta mihó prepará pa kombatí entre otro krímen organisá, krímen ku ta krusa frontera, atakenan terorista i trafikashon di hende.

 

Sentro di Akshon Kòrsou

Promé punto riba agènda di e kumbmre aki tabata un presentashon di Minister di Hustisia di Kòrsou di e ‘Actiecentrum Ondermijning Curaçao’ (Sentro di Akshon Kòrsou) presidí pa e titular di hustisia.

Den e presentashon aki presentenan por a tuma nota di e forma integral ku ta kombatí kriminalidati na Kòrsou.

A mustra kon partnernan den e kadena hudisial ta traha huntu, kompartí informashon i bini tambe ku akshonnan huntu pa kombatí krímen i mantené órden i seguridat den komunidat.

 

Afpakteam’ i Wardakosta

A para ketu na e éksito di e asina yamá ‘Afpakteam’ i a elaborá kon ta sigui ku esaki  den futuro. E bon koperashon entre ‘afpakteam’ di e diferente paisnan di Reino tambe ta duna su fruta den kombatimentu di kriminalidat.

Wardakosta tambe ta un di e temanan ku a keda tratá durante di e JVO i partikularmente plannan pa reforsá tareanan di Wardakosta.

A evaluá aspektonan di maneho i e ròl di Wardakosta en general i tambe e desaroyo di e problemátika ku personanan prosedente di Venezuela ku antesedentenan kriminal ku ta drenta e paisnan na forma ilegal ku arma i òf droga.

 

Top