Loke ta ser considera e prome reunion Comision BIG a reuni cu Minister Dangui Oduber

Diahuebs ultimo Minister encarga cu Turismo, Salubridad Publico y Deporte sr. Dangui Oduber a tene su prome reunion pa cu e implementacion di e ley AruBIG.
E comision cu a wordo institui ta consisti di diferente exporto riba tereno di salud cu tin e tarea pa conseha Minister di Salubridad con pa reformula e ley di AruBIG pa por amplia e registracion di BIG dunando chens na nos studiantenan cu a completa nan estudio den Region, Europa y/of Merca pa por traha den nos sistema di cuido p’asina aporta na un mihor calidad di cuido pa nos cuidadanonan.

Expertonan den e comision lo duna nan conseho na Minister Dangui Oduber dentro di un termino di 3 luna. E comision ya menciona tin tambe como tarea pa conseha Minister di Salubridad riba e mihor forma con pa institui e asina yama “kwaliteitsinstituut” cu lo ta responsabel pa acredita diploma di esnan trahando den e sector di cuido.
Manera a yega di menciona anteriormente, Corsou ya caba tin e ley aki di BIG adapta n’e situacion di studiantenan cu a finalisa nan studio den exterior.

Minister Dangui Oduber ta compromete su mes na sigi informa pueblo di e progreso di diferente punto di accion riba agenda pa cu mehoracion di nos calidad di cuido medico.

Leave a Reply

Top