Lotto ta felicita Red Machine y ATCO cu nan titulo di campeon y sub-campeon di baseball AA di ABBA

 

 

 

 

 

 

Despues cu director di St. Fundacion Lotto pa Deporte, sr. Di Stefano Wernet a lansa e prome bala di e di tres wega di final entre Red Machine y ATCO Indians, esnan presente por a gosa di un tremendo partido final entre e dos rivalnan grandi aki.

Pa loke t’e wega mes esaki tabata uno spectacular unda a lo largo Red Machine tabatin e rosea mas largo unda den e ultimo inning nan a probecha di hinca dos careda e bay cu e victoria di 4 – 2 y asina tambe logra nan di tres titulo consecutivo di baseball AA di ABBA.

 

Federacion di Baseball AA bou liderazgo di Presidente sr. Sherwin Howell ta trahando duro pa trece un cambio den nos baseball local y purba na hiba e deporte na un otro nivel cu Aruba ta custuma cune.

Dos siman pasa ABBA a organisa pa prome biaha den historia di Aruba su baseball e 1st ABBA Baseball Week cu a resulta den un exito rotundo unda mas cu 400 persona entre nan peloteronan infantil y hubenil, coach y manager como tambe umpire a participa activamente.

 

Lotto kier a felicita e ekiponan Red Machine y ATCO Indians cu nan titulo di campeon y sub campeon di ABBA como tambe Federacion di Baseball Arubano ABBA cu nan exitoso campeonato di baseball 2017. Lotto lo tey semper pa keda cambia bida di nos deportistanan, sigur di den e deporte di baseball.

Top