Mervin Wyatt-Ras (AVP) ta bisa cu: Tur cos ta indica cu Gobierno lo prolonga CAft cu medidanan

Gobierno anterior a cumpli cu e normanan den ley, e asina yama LAft cu ta reglamenta e supervision financiero.

“Nos tur por corda con tanto e actual Minister Presidente como Minister di Finanza tabata yora na Hulanda pa pone Gobierno anterior bao supervision y a logra esaki na aña 2015.

Tambe awor nan ta sigui yora pa pidi CAft por fabor pa duna nan mas tempo pa entrega e presupuesto di aña 2018 y pa entrega nan plan di maneho mas laat”.

Segun drs.Mervin Wyatt Ras, e siman aki Gobierno ta suppose di entrega dicho plan. Te hasta por saca afor cu nan a palabra cu CAft cu deadline pa trata e presupuesto 2018 ta 30 di april.
Wyatt-Ras y su fraccion pa a bin tende di e deadline aki via otro medionan sin cu Parlamento a ser envolvi dor di Gobierno MEP-POR-RED.

Kiermen tur loke nan a critica AVP di dje awe nan ta cuminsa cu palabra asuntonan riba cabez di Parlamento sin envolve Parlamento.

Anto e stempel parlement MEP-POR-RED lo aproba tog. Wyatt-Ras por a nota alavez cu su expresionnan y critica no a cay den bon tera y a manda e Parlamentario nobato Edgard Vrolijk pa bin atake na un forma baho.

Sr. Vrolijk ta haci manera ta den klas e ta pa insulta Wyatt-Ras manera e ta haya ta bon. Wyatt-Ras kende tin añas den politica nunca no a uza metodonan baho pa trece loke e tin cu trece dilanti.

Wyatt-Ras ta critico hasta cu Gobierno cu el a sostene. Pero tin hende aunke nan ta nobo nan no ta informa nan mes, pero manera mucha manda ta sali contesta.

Wyatt-Ras ta constata cu e Gobierno cu a inventa e palabra mega-debe awe ta scoge pa haci mas debe pa pais Aruba.
Wyatt-Ras kier tende di Gobierno kico nan lo bay haci concretamente pa nos pais.
Sinembargo te ainda nada ta sali afo.

Solamente comisionnan ta ser lanta y enbez di goberna cu menos Minister e Prome Minister ta gaba cu el a kita hende humilde for di trabou, kitando e posibilidad di e faminanan aki di pone pan riba mesa di nan famia, creando asina desempleo y pobreza den nos comunidad.
Di otro banda por tende y mira cu famia y amigonan ta ser nombra serca di e Ministernan.

Leave a Reply

Top