Mientras cu AVP a logra yega e normanan sin medida Lenguahe di Gobierno actual ta mustra cu definitivamente medida ta na caminda

Si gabinete anterior a logra un reduccion di e deficit di un averahe di 166 miyon pa aña, a base di crecemento economico, cu por cierto tabata minimo den ultimo añanan, y reduccion di gastonan, keda sin hisa impuesto pa asina hisa entradanan pa gobierno den un solo tiro, pa kico no por ta posibel pa logra e normanan aki pa 2018?
Si den campaña tabatin solucion pa tur cos, pa kico no ta posibel pa logra e metanan aki?

Esaki ta e preguntanan cu ex-Minister di Asuntonan Economico y awe miembro di fraccion di AVP, Richard Arends, a haci durante e conferencia di prensa semanal.
“Bo tin un base economico solido, si mira e ‘Economic Outlook’ di Banco Central cu e fundeshi solido cu gabinetenan Mike Eman I y II despues di dos aña di contraccion, bo tin un crecemento economico di casi 3% pa 2018.
Tur e condicionnan ta presenta pa por logra di cumpli cu e normanan di surplus cu na momento bo yega esaki, por papia di un reduccion di deficit.
Alcansa y mantene bo mes na e norma, ta rekeri esfuerso constante.

Colega Bermudez a yega di bisa den hopi entrevista y publicamente, cu finansa publico y yega na e normanan stipula pa e ley di comision financiero temporal, ta algo cu ta rekeri hopi esfuerso, cu ta bou presion constantemente, ta retonan constantemente y bo no por sinta man crusa y kere cu lo bo cumpli cu e normanan di mes.

E 275 miyon cu CAFT ta referi na dje, ta 5% di nos GDP, cu ta igual na 4.5% di BBO. Nos por a scucha hopi den prensa, nos no por a wak hopi riba maneho pero e lenguahe cu nos ta reconoce, ta un anticipacion cu medida ta na caminda.
E hecho cu IMF a pidi AVP pa yuda, ta berdad y el a wordo treci pa coleganan cu ta sostene gobierno di coalicion. E mensahe cu nos a haya di e staf di IMF, como tambe Secretario di Estado Knops y CAFT, a pidi oposicion pa yuda den e proceso di maneho financiero.
E ayudo ta referi meramente riba bipartisanship. Tur esunnan cu a drenta den politica cu mesun idealismo cu’mi, caminda hunto nos por yega na algo den 2018. A cuminsa riba mal pia mirando e reaccionnan despues di esaki,” Parlamentario Richard Arends a declara.

Leave a Reply

Top