Minister Dangui Oduber a nombra varios Hunta di Comisario nobo

Segun Minister Dangui Oduber, hopi decision a ser tuma caba den e 3 simannan cu a transcuri cu e Gobierno nobo aki a sinta.

Asina p.e. e siman aki Minister Dangui Oduber a confirma di a instala e Hunta Comisario nobo pa AAA N.V., e ta den proceso pa instala miembronan nobo pa Hunta di Comisario pa ATA N.V., y den mesun rosea e ta bezig ta institui un Hunta Comisario nobo pa APA N.V.

 

Asina den tur compania estatal, Gobierno ta ocupando su mes, pa haci e cambionan aki. Tur esaki ta necesario pa hiba e vision di e Gobierno aki.

Ta haci e cambionan aki pa comunidad tambe sinti e cambio cu tin den Gobierno y asina cumpli cu deseo di pueblo, cu kier mira un cambio.

Lamentablemente Minister Dangui Oduber no a menciona ta kendenan t’e miembronan di e Hunta Comisario nobo cu el a instala y falta pa instala.

 

Esaki el a haci den e companianan estatal cu ta regarda su Ministerio, pero asina tambe lo tin cambio den Hunta Comisario p.e. den N.V. Elmar, WEB Aruba N.V. Utilities Aruba N.V., Arubus N.V. Refineria di Aruba N.V. y SETAR N.V. cu ta otro companianan cu ta cay bao di otro Minister di Gabinete Evelina Wever-Croes.

Top