Minister Plenipotenciario Guilfred Besaril na cumbre di OCTA riba energia sostenibel

Minister Plenipotenciario Guilfred Besaril a atende e di tres cumbre di OCTA – “Sustainable Energy Actions, from the Poles to the tropics” – na Bruselas ayera diahuebs 7 di december. E mandatario a wordo acompaῆa pa Directora interino di Cas di Aruba, mr. Shandra John.

 

E mandatario a bisa di ta mira e cumbre aki como uno hopi importante pa engrandece e concientisacion riba e uso di energia sostenibel.

Tambe durante di un encuentro tin varios presentacion den cual lo elabora riba ehempelnan practico.

‘Como Minister Plenipotenciario na Hulanda mi mester sondea tur oportunidad cu tin aki na Europa y serca di organisacionnan afilia cu Union Europeo manera OCTA.

Tambe un cumbre asina ta brinda un bunita ocacion pa network cu algun partner comercial cu por ta interesante pa Aruba,’ asina Minister Guilfred Besaril a bisa.

 

OCTA t’e organisacion di Union Europeo pa pais y teritorionan pafor di e continente Europeo, pero cu nan tin un relacion estatal cu un pais miembro di Union Europeo.

(Potretnan ta cortesia di Cas di Aruba)

 

Leave a Reply

Top