Ministerio Publico a pidi pa lagu’e na paz: Wela no ta sospechoso mas den caso ‘speeltuin’

Diasabra 25 di november ultimo, señora L.C.F., wela di e fayecido muchanan Rishandroh y Eugene, a wordo deteni riba sospecho di complicidad na maltrato severo di e dos muchanan, cu morto como consecuencia.

E complicidad lo a ensera cu señora L.C.F. no a actua mientras e tabatin conocimento di e maltrato severo.

 

Despues di investigacion cuidadoso, Ministerio Publico a yega n’e conclusion cu no tin ningun motibo pa su pone cu señora F. a haci su mes culpable na cualkier tipo di hecho castigable.

P’e motibo ey, Ministerio Publico no a pidi Huez-Comisario pa prolonga detencion di señora/wela L.C.F. y a pone den libertad.

 

Ministerio Publico ta conciente cu e morto di Rishandroh en Eugene a lanta hopi emocion na Aruba.

Ministerio Publico ta spera cu señora/wela L.C.F. lo wordo laga na paz. E tambe ta victima den e caso aki y mientrastanto e no ta sospechoso mas.

Leave a Reply

Top