Noticia di detencion di ex Minister di Aruba publica riba NotiFalcon

“En Falcón: Capturados exministro de Aruba y su compinche cuando trasegaban combustible a orilla de playa”. Di e forma aki NotiFalcon a publica e noticia riba e ex Minister di Aruba, Booshi Wever.
Segun e informacion cu nan a pone, diahuebs anochi un comision di “Base de Contrainteligencia Militar” a aresta dos tipo kendenan tabata trata di transporta combustibel for di e costanan di e municipio Falcon pa e isla di Aruba. E procedura, e articulo ta bisa, a tuma luga den sector Tumatey di municipio di Falcon door di funcionarionan di DCIM, ora cu nan tabata haciendo trabou di investigacion y a logra constata cu par di homber, ambos di nacionalidad Hulandes, di e isla di Aruba den un yate deportivo cu e numeracion: A900, di nomber Ki-Diaa.
E hombernan, e informe ta bisa, tabata na oriya di costa, y tabata transporta combustibel den e sector menciona, y a logra confisca di nan un botter y slang. E caso ta den man di Ministerio Publico.

Top