Oficina di Turismo Aruba (A.T.A.) Europa premia como e miho na Hulanda

E trabou y dedicacion di e personal di Oficina di Turismo Aruba (ATA) tanto na Aruba, como rond mundo, ta sigui haya elogio y reconocemento. Mas recientemente ta e premio cu a ricibi for di TravMagazine durante e Reis Gala cu ta organisa anualmente. E ‘Vakantie Awards’ ta e premio di mas prestigioso pa loke ta e industria di turismo na Hulanda.

 

E ceremonia di entrega a tuma luga fin di siman ultimo caminda Aruba tabata nomina den e categoria di mas importante cu ta ‘Miho Oficina di Turismo na Hulanda’ hunto cu e representantenan di Corsou y Sur Africa.

 

Sr. Tirso Tromp, Area Director di A.T.A. pa Europa, a ricibi e premio for di Sr. Theo de Reus, Editor Hefe di e revista TravMagazine.

 

Oficina di Turismo Aruba ta sumamente orguyoso cu e premio cu A.T.A. Europa a ricibi y ta gradici nan coleganan na Hulanda pa e tremendo trabou cu ta eherciendo den e mercado. Tipo di distincionnan aki ta encurasha un y tur pa sigui traha duro na nomber di nos dushi isla.

 

E ‘Vakantie Awards’ ta e premio mas importante di e industria di turismo na Hulanda. Anteriormente tabata consisti solamente di agentenan di biahe, pero for di 2017 a amplia pa inclui tur esnan cu ta forma parti di e segmento. Como cu ta e propio colega y competencianan ta participa cu nan voto, ta haci e reconocemento aki ainda mas special.

 

Leave a Reply

Top