Pa asesinato na Hulanda…. Fiscal a pidi 25 aña pa trio asesino Antiano!!

BRUSSUM – Diabierne ultimo un tribunal na Brussum, Hulanda, a pidi 25 aña di castigo di prizon p’e trio di Antiano Xionel, Sergi, y Jurandi, kendenan a likidá e delincuente Hulandes  Sven Prins di un forma sumamente cruel dia 25 di sèptèmber di aña 2015 despues di un persecucion sensacional na un rotònde na Heerlen.

 

….Sven Prins….

 

E trio di Antiano a mata Sven Prins dia 25 di sèptèmber di 2015 despues di un persecucion spectakular na un rotonde na Heerlen.

Na augustus di aña pasá Polis a arestá e trio Xionel B, Sergio K. y Jurandy T.

Tanto e victima como e trio Antiano ta biba na Brussum na Limburg y Fiscal di Ministerio Publico a calificá e caso como sumamente cruel.

 

Prins tabata un delincuente conocí di Polis, pasobra e tabata den narcotrafico bendiendo cocaina.

E anochi fatal di sèptèmber 2015 e tabata sintá cu un amigo den su Kia Picanto blou ora cu e trio Antiano a core yega serca den un Golf GTI y a basha bala cu arma automatico riba dje.

Su compañero cu tabata manehá e auto tambe a sufri lesion, pero a sobrebibi.

Prins a logra sali for di su auto, pero a sak den otro den hardin di un cas eybanda caminda e trio a yega serca y a sefta su curpa cu un cantidad incontabel di bala di arma automatico.

 

Polis a logra arestá e trio despues cu nan a prepará un infiltrante den circuito criminal di Antianonan na Hulanda, kende reportadamente tabata busca moda di cumpra e arma cu cual e trio a mata Prins.

Un di e Antianonan a bisa e infiltrante cu nan mester a mata Prins, pasobra el a hecha nan un baina. Despues a resultá cu el a basha bala riba cas di muher di Jurandy.

 

Fiscal ademas a acusá e trio cu nan ta den benta di arma automático y granada di man y cu nan tabata bende unifòrm policial.

A acusá nan tambe pa intento di asesinato di e compañero di Prins kende tabata manehá e Kia Picanto.

E abogado di e trio a pide pa tende un prezu kende lo a papia cu nan den prizon, pero su declaracion no ta cuadra cu loke e acusadonan mes a declará. Despues e abogado a bolbe pidi pa tende otro prezo como testigo, pero Huez a rechasá e peticion.

Fiscal tin tur detaye cu el a haña serca e infiltrante.

 

TESTIGU CHIMBO

Diabierne na ultimo momento abogado di e Antianonan a informa na Huez cu e kier tende un testigo na fabor di su clientenan.

E testigo aki ta será den mesun prizon cu e trio Antiano y lo a papia cu acusado Xionel B. durante ora di recreacion den prizon na Roermond.

E lo por a bin cu indicacion cu no ta e trio a mata Prins y nan a tende e testigo tras di porta será.

Leave a Reply

Top