Pa coregi tanto mal informacion t’asina cu Lotto pa Deporte no tin nada pa sconde; bukinan ta habri

Ultimo dianan tin masha (mal)informacion ta sali rond di Lotto pa Deporte, cu tin un solo meta: Desacredita tur esnan envolvi.
Y ta bon pa coregi algun di nan, p.e. a base di un contrato cu Tele Aruba, Lotto ta paga e suma di 300 mil florin aña pa entre otro huur di espacio unda e loteria ta tuma lugar.
E otro mitar di Afls. 600.000 cu ta ser bisa ta wordo paga na tur miembro di Hunta di Supervision ta un mentira. E miembronan di RvT ta haya pa aña Afls. 132.000.
Di e Afls 600.000,– cu a ser menciona, manera menciona 50% ta bay pa Tele Aruba, y e otro 50% pa maneho di e empresa na razon di Afls. 300.000,–.
No mester lubida cu Lotto pa Deporte tin obligacionnan di belasting pa cumpli cu nan tambe, manera e.o. erfpachtsrechten y grondbelasting cu ta mas o menos 100 mil florin banda di otro gastonan di operacion.
Lotto pa Deporte tin un Pay-out Ratio di premcio rond di 50%. Pues 50% bruto di entrada di Lotto ta bay pa cumpradornan! Tur e cifranan aki ta controla y coregi pa accountantnan serio y masha confinable.

Leave a Reply

Top