Pachi preocupa cu el a keda su so na cas

Ciudadano a yega cas y a mira 4 sombra

Diadomingo un poco despues di mey anochi un patruya ta wordo manda na un adres na Macuarima pa un homber desespera pasobra lo tin hende na su cas.

Prome el a bisa cu lo tin hende canando riba dak di su cas.

Ora cu e patruya a yega na e adres en cuestion, nan ta topa den e cura patras cu e homber di inicial V., bisando cu nan mester bay patras di e cas, ya cu e ta sospecha cu lo tin hende ainda riba dak. E Polisnan a tira bista, pero no a mira nada straño of inusual. Segun e homber V. a declara, nan a cba adi yega di Fakkel y a tende e cachonanta blaf duro patras den e cura. El a bay tira bista, el a mira sombra di 4 persona riba e dak.

E otro caso a sosode un poco despues di 1’or ora cu patruya a wordo manda na un cas na Angochi, unda cu un habitante di e cas cu ta sufri di Alzheimer tabata papia bruha ora cu el a yama warda di Polis.

Na e sitio nan ta papia cu e homber G. Di 75 aña y a puntr’e cual ta e motibo pakico el a yama Central di Polis. El a splica cu nan a lague su so na cas, ya cu e otronan a bay wak parada di Flambeu.

E Polisnan a papia cu e pachi y a bis’e pa bebe su remedinan y pa e tin un poco pasenshi te ora cu e famia yega cas.  A bis’e tambe pa no sali pafo door di peligro cu por tin den oranan di anochi. G. ta parce di a mustra comprension y a bisa cu e lo sigui conseho di nan. El a bisa nan cu e ta bieu pero no loco.

Leave a Reply

Top