Pareha ariba brommer seriamente herida, despues cu nan a dal contra un Jeep

Dialuna atardi algo prome cu 6:30, polis y ambulans a bay altura di e dam na Santa Cruz, den sercania di Weng Kee Supermarket.

Altura di e dam den e bocht, un brommer scrambler marca Yamaha y sin number, ta dal contra un Jeep Wrangler.

 

Ariba e brommer tabatin un pareha, e damita di 13 aña a bay cay ariba e hood di e Jeep. E homber a keda benta abou.

Segun a compronde, e brommer cu e pareha ariba dje tabata bayendo p’abou y hopi probabel cu velocidad halto.

Chauffeur di e Jeep bayendo direccion p’ariba, a purba evita e impacto pero no a logra.

 

Dos ambulans a presenta na e sitio, mama di e menor tambe a yega.

Ambos herido a wordo transporta cu ambulans pa Hospital cu basta golpi na nan curpa.

 

Takelwagen a presenta pa bay cu e brommer cu no tin ningun papel.

Leave a Reply

Top