Pashent di PAAZ a comete destruccion di auto

Diasabra, pa mas of menos 2’or y 45 di marduga, Central ta manda patruya na altura di ATA caminda cu lo tabata tin destruccion di auto den e parkinglot dilanti di e edificio.

Eynan polis a wordo acerca pa e homber DC, kende a declara cu e tabata papiando cu algun amigo di dje den dicho parkinglot, ora cu un homber desconoci a acerca nan. E homber desconoci a declara cu e yama CG y despues a cana bay direccio p’abao y a coy un di e stoelnan cu tabata poni pa fakkeloptocht y a cuminsa zwaai cu esaki. Despues G. a coy un otro obheto y a kibra bentana di un di e autonan staciona den e parkinglot. E auto tabata un Ford Ranger. Polis a wordo yama di biaha y a wordo poni na altura. DC a informa polis cu G. a cana bay direccion p’abao. El a bisa tambe cu G. tabata tin un camisa preto bisti cu un short blanco. G. tambe tabata tin un camisa lora riba su cabes. CG ta sin luga di biba y ta un conocido adicto ambulante y alabes pashent psikiatrico, cu den varios ocasion a comete destruccion y hopi biaha a wordo deteni pa esaki.

Riba e declaracion duna, polis a bay controla p’ariba y na altura di Talk of The Town polis a mira CG ta cana riba e parkinglot. CG tabata tin e mesun paña bisti, describi pa e testigonan. Den cuadro di esaki, a detene y hib’e warda, unda cu el a keda presenta dilanti di fiscal auxiliar y despues encarcela na warda di Santa Cruz pa mas investigacion.

 

Leave a Reply

Top