Presidente di Parlamento a bishita ARA

Recientemente Contraloria General (Algemene Rekenkamer) a ricibi bishita di e presidente nobo di Parlamento, mr. Juan Thijsen, y griffier di Parlamento, mr. drs. Herman Hek. Durante di e bishita a delibera riba e ultimo desaroyonan di e gobernacion di Pais Aruba, e trabaonan pendiente cu mester realisa den corto y mediano plaso, como tambe e pasonan necesario pa fortifica e bon relacion entre Parlamento y Contraloria General. Contraloria General ta e organo cu ta sostene Parlamento den su tarea di controla gobierno. E instituto aki ta haya cu ta importante pa tin un bon comunicacion entre e dos instancianan, pa asina por mehora y cada bes duna un miho sosten na Parlamento den su tarea constitucional.

Top