Programa nobo Vibes4You(th) pa comienso di 2018

Amplia e conocemento di lidernan boluntario ta un di e metanan principal di e

proyecto VibesYou(th).

Con esaki ta ser hasi? Organisando diferente curso y workshop pa asina duna informacion y sosten na lidernan boluntario. Tur organisacion social cu ta interesa den e programa por hasi uzo di e oportunidad aki pa participa.

 

Tur comienso di aña e proyecto ta presenta un programa nobo pa asina por brinda e

lidernan boluntario, e oportunidad pa participa.

E prome programa ta di januari pa maart 2018. Durante encuentronan anterior e cursista ta haya oportunidad pa yena un formulario di evaluacion, y riba dje por yena ki otro curso/workshop lo desea di haya.

 

E proyecto ta basa su programa riba e necesidad di esnan cu ta participa activamente na e programa. Pa e motibo aki nos programa tin bes por contene e variacion di curso nobo como tambe curso cu a ser duna caba.

 

E biaha aki e programa ta consisti di: Workshop Social Media, Workshop Time Management, Leider Sportieve Recreatie nivel 3, Beweegplezier 4+, Woskhop Maneha y Motiva Boluntario, como tambe EHBO Follow Up, Youth Program y manera tur ora lo organisa algun charla educativo cu temanan actual.

 

Pa realisa e programa, Vibes4You(th) ta traha hunto cu trainer/docente nan capacita cu experticio den nan mesun area.

Mayoria di curso ta gratis y por inscribi libremente yamando CEDE Aruba/Vibes4You(th)

na 582-7666 y puntra pa e coordinadora di e proyecto, Roseline Manna, of por manda un

email na: vibes4youth@gmail.com.

Riba e facebook page di Vibes4Youth por haya mas informacion y tambe keda up to date ora cu tin e curso of workshopnan menciona. Tambe por wak potret di e tur actividad den e programa.

Leave a Reply

Top