Reapertura Sport Caribe

Diaberna anochi dia 15 di december, a celebra un momento bunita, unda Sport Caribe a tene un reapertura pa motibo di a mudanza recientemente. Sport Caribe a muda bai Emmastraat #3, despues di mas cu 20 aña situa na Emmastraat #5.

 

Loke ta remarkable di e hecho aki, ta cu e mesun tereno unda awendia ta emmastraat #3, ta e mesun caminda unda Sportshop Antilliano (cu awendia ta Sport Caribe) a habri su portanan pa prome biaha. Pa por conmemora e momento aki, a dicidi a ripiti e acto simbolico pa inaugura e store, unda cu 50 aña pasa, Harry Janssen a pidi atleta di aña Hjacinto Mario Croes, pa subi e bandera di Aruba.

 

Awendia, Hjacinto Mario Croes, doño di Mario Sport Shop, una bes mas a subi e bandera den presencia di Harry Janssen y demas famia cu ta forma parti di e team di Sport Caribe. Monique Janssen, yiu di Harry Janssen, a mira esaki como un momento hopi special, como e ta logra maak mee e sucedido cu a inicia tur cos 50 aña pasa. Remarcabel ta mira cu Minister di enseñsa, Minister Rudy Lampe, a asisiti evento y a papia cu e publico presente, enfocando den e importancia di deporte y educacion deportivo.

 

Sport Caribe ta sigi brinda pueblo di Aruba un colection di adidas y reebok y e mihor servicio possible, cultiva den e 50 aña di experencia den bende articulo y paña di deporte. Un otro hecho peculiar di Sport Caribe ta cu nan a wordo reconoci door di adidas como e distribuidor mas bieu di e marca den mundo.

 

Sport Caribe kier gradici e pueblo di Aruba cu a apoya y bishita Sport Caribe durante e ultimo 50 aña y pone nan confiansa den un compania familiar y local manera nos. Den e mesun momento nos kier agradeci tur hende den prensa cu a jama of asisti e evento y asina yuda carga e mensaje den tur canal di comunicacion. Sport Caribe lo sigi den e mesun rumbo, brindando pueblo di Aruba, paña y atriculonan di calidad y un servicio unda tur nos clientenan ta manera un famia.

 

 

 

 

Top