Reunion entre Venezuela y Reino Hulandes tumando hopi ora

Despues cu Venezuela den forma unilateral a cera frontera cu Aruba, Corsou y Boneiro siman pasa pa 72 ora, debi na nan acusacion cu Aruba ta permiti contrabanda for di Venezuela, e paisnan a dicidi di sinta na mesa, cuminsando diabierna 2’or di merdia.

Ta participando den e reunion aki ademas di Prome Minister Evelyne Wever Croes y su Ministernan, Embahador di Hulanda sr. Norbert Braakhuis, Vice Presidente y Minister di Comercio di Venezuela sr. Jose Vielma Mora y Minister di Husticia di Corsow sr. Quincy Girigorie.

Apesar cu a bisa cu e medida lo vence diamars, el a wordo prolonga y diabierna atrobe el a wordo prolonga.

Ta spera cu den e reunion aki lo yega na acuerdo riba mas cu un punto p’asina e relacion entre e paisnan aki por normalisa.

AWEMainta a keda spera resultado di e reunion aki, pero por a comprende cu e ta tumando mas tempo cu a pensa.

Leave a Reply

Top