Ruman muhe burachi no kier tende di su ruman homber

Diasabra pa algo pasa di 1.30 di madruga un patruya tabata pasando na altura di King Plaza na Sasaki ora cu nan ta mira un homber para banda di un auto blanco. Pero ta parce cu tabatin problema pasobra e tabata grita un persona den e auto.

E patruya lora pa bay mira kico ta pasando. Na yegada nan a mira un muhe na suela y e homber tabata sinta tras di stuur. El a bisa cu su inicialnan ta ED, mientras cu e muhe no kier a coopera y no kier a duna nan su nomber.

E homber ED a bisa cu e muhe ta su ruman y cu nan a haya un discusion y e no kier papia mas cu su ruman muhe. Pero e muhe no tabata contento cu esaki y tabata keda sigui tras di ED pa soluciona nan discusion.

E Polisnan a mira cu e muhe tabata sangra na su cabes, y segun ED, durante e discusion e muhe a bay patras y a cay dal su cabes. Door di esaki el a haya un corta na su cabes.

E Polis a bisa cu e muhe tabata hopi fresco cu nan y el a bisa nan dilanti cu e lo rasca e auto di ED cu su yabinan. Nan a constata cu e muhe ta basta bou influencia di alcohol. Pa su mesun siguridad y di otro, el a wordo hiba warda pa pasa su buracheria. Na warda e controla e corta y el a resulta di no ta di e serio ey. Mas laat e mama a yama y bisa cu e muhe su inicial ta OD.

 

Leave a Reply

Top