Ryan Maduro nombra como Director General nobo di EPI

Minister di Enseñanza, Rudy Lampe a anuncia ayera, cu EPI tin un Director General nobo den persona di Ryan Maduro.

EPI ta un di e skolnan masha importante di Aruba. Awendia esnan cu tin un MAVO-Diploma of EPB, ta dificil pa haya trabao. Pero esnan cu tin un EPI Diploma ta haya trabao mas facil, ya cu e mercado laboral tin mas di ofrece.

 

Pesey un diploma di EPI bal oro y cu placer Minister Lampe a anuncia, Ryan Maduro, kende a crece cu e institucion aki durante hopi aña. El a forma parti di e management di hospitalidad di EPI y awor a haya un encargo nobo como Director General di EPI.

Tin hopi plan pa cu fortelecimento di EPI.

 

Ryan Maduro, mescos cu varios otro, a participa n’e solicitud habri y el a resulta di t’e mihor candidato pa bira e Director General di EPI. Tabata un comision independiente cu a evalua tur e candidatonan cu a solicita, pero na final tabatin un consenso pa nombra Ryan Maduro.

 

Tambe den e aña escolar nobo tin cambio den SKOA y SMOA, unda autoridad den SKOA, lo tin un Director nobo den persona di juffrouw Bailey, un profesional local y SMOA a haya un Rector nobo pa Colegio Arubano den persona di sra. van Loon, kende ta un profesional local.

Minister Rudy Lampe a confirma cu e ta den dialogo continuo cu SKOA y SMOA y den e espirito ey, lo sigui traha na bienestar di enseñanza.

 

 

Leave a Reply

Top