Secretario di Estado Raymond Knops ta bishitá Aruba, Bonaire y Còrsou

Secretario di Estado Raymond Knops (Asunto Interno y Relacion den Reino) ta bishitá e tres Islanan Abou di dialuna 8 di janüari te cu diadomingo 13 di janüari 2018.

E Secretario di Estado lo sera conocí mas di serca cu e Gobiernonan di e islanan y tambe hiba combersacion cu representantenan di industria y comercio, cu e medio campo social y cu NGO’s nan.

 

“ Mi ta encantá cu mesora na comienso di 2018 mi por bishitá e parti aki di nos Reino,” segun Secretario di Estado Raymond Knops.

“Despues di mi bishita recien n’e Islanan Ariba mi ta haña importante pa rapidamente sera conocí cu Aruba, Bonaire y Corsou tambe. Mi kier haci uzo di e bishita pa tende dilanti di cua retonan e dos paisnan y e entidad publico ta pará, cua ambicionnan nan tin y con nos por duna e colaboracion forma p’e periodo benidero.

Ademas mi kier uza e bishitanan di trabou y e combersacionnan pa haña impresionnan di e manera di biba y traha riba e tres islanan.”

 

E programa di Sekretario di Estado Raymond Knops ta iniciá na Bonaire dialuna 8 di janüari parti mainta. Diamars 9 di janüari den oranan di anochi e ta yega Còrsou. Finalmente e Secretario di Estado ta bishitá Aruba caminda e ta yega den oranan di atardi di diahuebs,dia 11 di janüari.

 

Leave a Reply

Top