Segun Secretario di Estado Knops: Declaracion di Prome Minister Wever Croes ta “onhandig”

Asina staatssecretaris Raymond Knops a reacciona den direccion di premier di Aruba, Evelyne Wever Croes. Politica populista por wordo haci ora cu bo ta sinta den un stoel como Parlamentario of ora bo ta un politico pafo di Parlamento. E no ta haci nada otro cu crea simpatia mei-mei di e pueblo na bo fabor como politico y bo lo por midi esaki bek ora cu e resultadonan di electoral individual ta wordo publica.
Di otro banda, ora cu bo ta sinta den e stoel como ehecutivo, esta como Minister den e caso aki, bo rol ta cambia por completo. Bo mester ta hopi diplomatico cu bo expresion haci, vooral ora cu bo haci un expresion riba un problematica cu ta toca otro paisnan tambe cu no ta unicamente esun di bo. E premier di Aruba sra Evelyn Wever Croes a haci un expresion entorno di e problematica cu tin cu pais bisiña Venezuela cual a cay den masha mal tera tanto na Venezuela mes, como tambe cerca di gobierno Hulandes. Ta spera di un hefe of cabes di un pais, cu e ta comporta su mes cu tur decencia, protocol, inteligencia y di e forma mas diplomatico.
Despues di e declaracion haci di parti di sra Wever Croes, hopi a cuestiona esaki. Pesey e no ta nada straño tampoco pa pa wak diferente reaccion internacionalmente desaprobando e reaccion di premier sra Wever Croes, poniendo di e forma aki Aruba den un luz negativo.
Pa staatssecretaris Raymond Knops esaki ta inaceptabel y a pronuncia esaki tambe. Mientras tanto prensa a trata via coleganan di prensa na Hulanda pa haya reaccion di e minister di buitenlandsezaken sr drs. Halbe Zijlsta y tambe di e minister van defensie sra drs. Ank Bijleveld, riba henter e situacion aki, pero ainda esaki no a resulta. Loke cu si nos a haya tende ta, cu tin un solo linea di comunicacion cu Conseho di Minister di Reino a fiha y cu a duna instruccion cla y raspa na Gobierno di Aruba y Corsou via nan respectivo representantenan, cu nan no ta autorisa pa duna niun comentario mas riba e topico aki. E comentario di Prome Minister di Aruba Evelyne Wever Croes cu Boneiro tin suficiente espacio pa ricibi e Venezolanonan ilegal na Aruba, ta “onhandig”. Esaki ta e pensamento di Secretario di Estado Raymond Knops di Relacionnan di Reino. “E cos ey no ta mustrami un bon idea. E no ta e miho solucion pa schuif e problema pa un otro caminda.,” segun Knops na final di su bishita di trabou na Boneiro. “Tin un problema hopi grandi cu a cay riba nos tur. E ora bo mester mira con bo ta solucion’e di un bon forma y no door di bisa “nos ta pasa e hendenan aki over pa Boneiro”. Encuanto e blokeo di trafico maritimo y aereo di Venezuela pa e islanan ABC, cu diamars a wordo prolonga door di Gobierno di Nicolas Maduro, mientrastanto tin contacto riba nivel di ambtenaar, segun Knops. E Secretario di Estado no ta di acuerdo cu e critica riba e reaccion Hulandes; segun entre otro e lider di D-66 Alexander Pechtold e cuestion aki lo causa mas polemica na Europa. “E no ta bay riba con bo ta reacciona, pero con bo ta soluciona e problema.”

REUNION
Diabierna awor lo tin un reunion top na Aruba entre Venezuela, Aruba, Corsou y Hulanda. Knops ta spera cu despues di esaki e trafico comercial por wordo reanuda. Esey lo ta di importancia pa Venezuela mes tambe.

Leave a Reply

Top