STA ta organisa un seminario/congreso Cu varios orador importante

Di acuerdo cu Diego de Cuba, Presidente di STA, dia 7 y 8 di december awor e sindicato lo organisa un seminiario/congreso cu ta specialmente pa su dirigentenan, pero sigur pa su miembronan.

Esaki ta necesario pa educa e delegado y miembronan, kendenan a wordo laga un banda pa hopi tempo y nan falta di hopi informacion. Hunto cu Fundacion CAS, nan a dicidi di organisa e seminario/congreso aki, cu lo tuma lugar na Piedra Plat Entertainment Center.

 

E necesidad pa informacion ta hopi grandi  y pesey como sindicato a dicidi di habri e caminda p’e clase trahador pa sa kico ta pasando realmente.

Nan tin como orador, Ramsey Acosta, kende lo elabora riba pensioen, tin Ben Marapin, kende lo elobora riba economia, tin Ramphis Kolfin, kende lo papia riba etica y riba loke ta pasando den comunidad, gobernacion anterior y kico e ta premira di gobernacion nobo.

 

Segun Diego de Cuba, manera tur hende por sa, den gobernacion anterior, e relacion entre STA y e Minister di Trabao tabata masha limita mes. STA ta kere cu sindicatonan na Aruba, mester por tin sikiera un bes pa luna cu e Minister di Trabao.

Pesey tambe, STA lo tin e seminario/congreso aki, unda mester duna e palabra democracia su contenido real.

STA a nota cu e clase trahador ta bay trabao, cobra y nada mas, kedando den mesun posicion. Pesey STA ta kere cu e clase trahador merece un up-grading den su trabao, mester pone un paro n’e esclavo modern cu tin.

Mester di hopi cambio y pesey lo informa di e situacion reinante na Aruba, cu no ta facil, pero mester di e cambio.

 

P.e. STA kier mira un cambio den oranan di trabao di siman, di 48 ora pa siman baha pa 40 ora pa siman. Tin compania cu ainda ta traha 48, 45 ora pa siman, 6 dia pa siman. Ta ki bida social un hende asina por tin, trahando tanto ora.

Si sigui asina e situacion aki lo desemboca den un explosion social grandi, segun Diego de Cuba.

Leave a Reply

Top