T.H. Palm & Company ta honra su clientela local durante 14 aña sigui

Dia 6 di december T.H. Palm & Company, orguyosamente a tene su di 14 Girls Night Out, cual ta un evento anual. E evento tan espera ta duna e boutique popular na Palm Beach e oportunidad pa expresa nan gratitud na nan clientela local femenino pa escohe e boutique aña tras di aña, como un manera di terapia di compras.

 

“Cu asina tanto opcion y tur e cambionan cu e industria di retail a pasa aden durante e ultimo añanan, y cu nos clientenan a keda scohe T.H. Palm & Company, ta bisa nos cu nos ta digno di nan tempo y esey ta hasi nos trabao aun mas agradabel”, asina Jodi Tobman, propietaria di e boutique a bisa nos.

 

Manera semper, e miembronan di ekipo di e boutique a incorpora un tema pa e anochi aki y e anja aki nan a opta pa un ambiente estilo di Maroco, caminda cada miembro a bisti un fez cora (sombre tipico di moslim). Pa agrega na e atmosfera festivo, tur glas di esnan presente a wordo yena cu un bebida artesenal di Frank Kelly cu ta consisti di lamunchi fresco, oregano y rom. Chefnan local Bas Kuurstra y Bas de Boer a deleita e invitadonan cu cumindanan delicioso manera sopi di pampuna, pinchos di galinja, quesadilla di keshi cu spinashi y kafta kebabs.

 

Mientras e invitadonan tabata cana rond y combersa cu amigonan presente, nan a haya e oportunidad tambe pa sera conoci  cu e coleccion mas nobo cual ta net na tempo pa e temporada di fiesta, incluyendo pañanan y acesorio di ultimo tendencia pa hende homber y hende muher, decoracion di cas  cu a wordo inspira pa tononan tropical, un coleccion refresecante di paña “Biba Lekker”, y un serie di regalonan unico cu un peculiaridad humoristico.

 

Tambe e evento anual aki ta duna T.H. Palm & Company e oportunidad pa recorda su clientenan cu a traves di nan compra nan ta hunga un rol importante den e programa di Tikkun Olam, cu awo ta den su di 10 aña. A traves di e programa, e boutique ta duna un percentahe di cada compra na un instituto caritativo local di e cumprado su escohencia, for di un menu presenta ora di paga na caha.

 

Como regalo di despedida, cada invitado a haya un serbete di cushina cu un mensahe humoristico. “E aña aki a trece cune algun noticia alarmante rond mundo, aumento den odio y ignorancia tabata e centro di atencion. Nos a pensa cu lo corecto ta pa enfoca un poco riba diberticion pa asina recorda nos di tur e opcionnan nos dilanti, y pa scohe tolerancia y sabiduria cu un toke di humor”, asina Tobman a splica.

 

Jodi y e famia di Salamander Group ta extende nan caluroso agradecimento na tur invitado, no solamente pa nan asistencia, pero tambe pa hasi T.H. Palm Company un di nan tiendanan faborito riba e isla.

 

T.H. Palm & Company ta habri for di 9am te cu 10pm (te cu 10:30 riba diabierna) y ta localisa na Playa Linda Beach Resort na Palm Beach. Stacionamiento conveniente por wordo localisa net banda di Dunkin Donuts.

 

 

 

Top