Tas cu contenido a disparce

Diasabra, pa mas of menos 3’or y 55 di marduga, Central a manda patruya na Lekker Bar & Restaurant pa un pelea.

Ey nan a papia cu e dama K., kende a declara cu e y su casa tabata den e luga aki. Pa mas of menos 3’or y mey, el a bay baño un rato y a laga su tas atras riba e toonbank. Mientras tanto su casa a bay pafo pa huma un sigaria. Ora cu el a bin bek for di baño, el a constata cu desconocidonan a bay cu su tas. Ta trata aki di un tas bruin di dama. Den e tas tabata tin 50 dollar y un telefon preto. E no ta corda marca di e telefon. K. a puntra e doño Chines di e luga pa e wak e imagennan di video pa mira ken a bay cu e tas. Tambe K. a declara cu algun hende den vecindario a pone na altura kende lo por a bay cu su tas.

Su casa a controla e personanan aki y a cuminsa bringa cu nan. Un rato despues nan a trece e tas bek, sin su 50 dollar y sin e telefon. Keho di ladronicia a wordo tuma y e casa di K. a wordo avisa pa bay recherche pa duna keho di violencia publico.

Top