Temporada di carnaval a pasa lagando 181 detencion den 13 evento

Tanto Polis como personal di CEA tabatin hopi trabou riba e ultimo evento grandi di Aruba su carnaval pa 2018.
Manera ta conoci, e fin di siman tabata uno largo pa tanto Polis como CEA, kendenan tin trabou pa haci prome, durante y después di e paradanan.
Cuminsando cu e parada grandi di San Nicolas, e prome grupo a yega 5.10 y e ultimo, last lap a yega 6.55. Tabatin en total 14 detencion compara cu e 8-nan di aña pasa. Un biaha mas hopi hoben deteni, di cual esun mas hoben tabatin 16 aña y esun mas bieu 46. Di e total di 14 detencion, 5 di nan ta menor di edad.
Unidad motoriza a controla mas cu 50 chauffeur, kendenan mester s upla y di esaki solamente 4 persona a wordo deteni p acore bou influencia di alcohol e restonan a test bou di e limite.
Pa loke ta parada di Playa e prome grupo a drenta 6.06 y e ultimo cu tabata e lastlap pa 8.05 di anochi. Tabatin en total 43 detencion compara cu 41 di aña pasa. Di e cantidad aki 4 tabata sospechosonan cu tabata wordo busca pa husticia, un di nan tabata un ilegal, 7 ta menor di edad (3 di 15 aña, 1 di 16 y 3 di 17). . Na final di e parada, prome cu kimamento di Momo tabatin un hincamento tambe.
Total di e detencionnan den e 13 eventonan di carnaval tabata 181. Esnan cu a wordo deteni mester a paga nan boet di biaha cash of swipe sino nan caso ta bini dilanti.

Leave a Reply

Top