Tin ‘backup plan’ den kaso ku Maduro prolongá su bòikòt

WILLEMSTAD. Un di e konklushonan ku por saka for di e enkuentro KU Minister Martina tabatin ku empresarionan okal ta ku empresanan ya tin nan planan di kontingensia i ta aktuando kaba den preparashon pa si e Presidente disidi di prolongá e sanshon.

Pero a bin dilanti tambe ku mester kita for di e dependensia di Venezuela i buska otro merkadonan i sera tratadonan ku paisnan pa garantisá kuminda pa nos mes i pa esnan ku ta bishitá nos.

Den e kuadro aki Minister Martina a informá ku ya a start kombersashonan pa sera akuerdonan komersial ku Repúblika Dominikana, Colombia i Caricom i ku esaki lo duna nos akseso na mas diversidat di merkado.

OUTOSUFISIENTE

Presidente di ADECK, Wilbert Geertruida a indiká ku “Nos mester traha pa bira outosufisiente, ta tempu pa nos tuma rienda di nos seguridat alimentisio” ku ta un gritu ku nos tin 100 aña ta tende.

Awor mas ku nunka mester logra stimula e sektor di agrikultura, krio di bestia i peska pa por abastese merkado lokal i garantisa kuminda pa nos mes i nos bishitantenan.

Leave a Reply

Top