Turista a keda herida despues di accidenta cu UTV tras di faro

Diabierna mainta a sosode un accidente durante off-road, panort di Tierra del Sol. Polis a wordo avisa y ambulance a bay cu urgencia, mirando cu un UTV a bolter y tin hende herida.

Na momento cu personal di Polis a yega, nan a nota un Kimko UTV gebolter. Drumi abao riba santo tabatin un turista cu un corta na su pia.

Personal di ambulance cu a yega,y a transport’e pa hospital y Polis a laga takelwagen hiba e vehiculo pa warda, p’asina atende cu e touroperator relaciona cu e accidente.

Ultimamente tin turista cu ta huur e vehiculonan aki y ta haci maniobranan straño cu tur consecuencia serio pa nan mes.

Si bo ta off-road y ta core manera hende, nada no ta sosode, pero nan ta probecha di e ocasion pa haci cosnan straño y cu consecuencia cu e vehiculonan aki ta accidenta y bolter. Si bo core manera hende e cosnan aki no ta pasa. Pero dor cu nan ta bay den un tiki mas den nan wega cu e vehiculo durante e trayectoria di off-road, e cosnan aki ta sosode.

Tin biaha tin turista ta keda uno mas herida cu otro. Den e caso aki, e turista aki no tabata grave, pero si suficiente herida cu corta, cu mester a bay hospital pa wordo atendi.

Leave a Reply

Top