Varios denuncia di kiebro di y den auto rond Aruba

Manera AWEMainta a relata ayera, e casonan di kiebro di y den auto ta alarmante mes. E hecho ta cu e casonan aki no ta tumando luga solamente den un area di hopi movecion, pero tambe den barionan tur rond di Aruba.
Den e noticianan di Polis di diadomingo tin varios caso cu a wordo denuncia.
Diadomingo pa 3’or di madruga Polis ta wordo manda den bisindario di Olde Molen pa un caso di destruccion, unda cu e denunciante ta un turista.
E prome melding tabata cu lo tin un pelea andando riba e parkeerplaats. Central di Polis a informa e patruya cu e pelea lo ta entre e grupo di Seroe Patrishi y Santa Cruz y cu tin tiramento di piedra y botter.
Na e sitio, e Polisnan no a mira ningun pelea pero si a mira cu pariba di Olde Molen tabatin un grupo di Seroe Patrishi. E conoci di Polis di inicial F., a declara cu enberdad tabatin dos persona di Ssanta Cruz cu tabata bringando pero cu nan a bay direccion di ex House of Cheng. E Patruya a bay controla den e area indica pero no a topa cu ningun persona cu nan ta buscando.
Nan a bolbe na Olde Molen y a core cu e grupo di Seroe Patrishi for di e sitio. Un rato despues nan ta wordo aserca door di e muher F. (Mericano) kende ta declara cu desconocinan a kibra e bentana patras di su auto. Ta trtaa di un Kia PIcante shinishi. Probablemente esaki a sosode durante e pelea y a constata cu rond di e auto tabatin hopi piedra y glas kibra. A tuma e keho.
Diadomingo casi 12’or di media ta presenta na warda di Polis e señora di inicial F., pa haci denuncia di joyriding. El a declara cu riba dia 20 di januari pa 8’or di anochi el a staciona su auto Toyota Corolla blanco den su cura parti patras. Pa 6.30 di mainta su amigo a wak cu e auto e momento ey ainda tabata intacto.
Pa 11’or di mainta e auto a disparce.
Na San Nicolas tambe tabatin caso di kiebro di auto. Pa casi 10’or di mainta ta drenta un yamada telefonico di un caso di kiebro den un auto den Jan Steenstraat. Na e sitio a papia cu doñoi di un Toyota Yaris blanco. E homber E,., a declara na e Polisnan cu el a pone su auto dilanti su cas pa 1’or di madruga. Den oranna di mainta el a constata cu personanan desconoci a kibra e bentana chikito parti patras y a drenta su auto.
Nan a bay cu su cartera, paspoort Hulandes y un Iphone 6. Denuncia a wordo tuma.
Pa 2’or di merdia ta presenta na warda e homber VE,. Pa haci denuncia di kiebro den su auto. Dia 20 di januari pa 8.30 di anochi, el a laga su BYD, color cora, dilanti su cas den Rembrandstraat. Tur cos tabata intacto. Pa 8.30 di mainta su bisiña ta informe cu e glas robez dilanti di su auto ta destrui. E mes a constata cu e auto a wordo rista y a bolter tur cos den e auto. Algun material di e auto a wordo horta. El a keda di traha un lista di cosnan horta y entrega na Polis. Algun siman atras caba desconocinan a destrui e tanki gasolin di su auto.
Un habitante di Shete tambe a bira victima di kiebro den auto. Pa mas o menos 7’or di anochi, diadomingo, un patruya ta wordo manda na entrada di Shete pa un kiebro den auto. Na e sitio a topa cu un famia cu tabata sperando Polis. A mira cu enberdad a kibra den un auto, ya cu e porta robez dilanti ta kibra. Nan a bay cu un walkie talkie corra cu preto

Top